Քեզ տանն սպասում են, սպասում անհամբեր սրտի թրթիռով. ամանորյա նամակ՝ զինվորին

Բարև՛ Հայ զինվոր: Ինչպե՞ս ես: Ինչպե՞ս է տրամադրությունդ: Չնայած ինչու՞ եմ հարցնում: Եթե անգամ տխուր լինես, միևնույն է, կասես, որ լավ ես: Այնքան բան ունեմ քեզ գրելու,սակայն չգիտեմ որտեղից սկսեմ: Ինչքան շնորհակալություն էլ հայտնեմ քեզնից, իմ լուսացրած ամեն մի խաղաղ օրվա համար՝ միևնույն է՝ քիչ է լինելու: Մոտենում է ամանորը, հաշված օրեր են մնացել, ինչպե՞ ես պատրաստվում ամանորին:
2017 թվականը հրե աքաղաղի տարի է: Ցանկանում եմ քեզ հաջողություններով լի տարի: ՈՒզում եմ, որ այս տարում գտնես քո կեսին, եթե մինչև այսօր չես գտել: Քեզ առողջություն, երջանկություն ու ամենակարևորը ԽԱՂԱՂ ԾԱՌԱՅՈՒԹՅՈՒՆ ԵՎ ԲԱՐԻ ՎԵՐԱԴԱՐՁ եմ ցանկանում:
Յուրաքանչյուրիս,այդ թվում՝ նաև քո, պարտքն է պաշտպանել հայրենիքը, թեկուզ՝ արյան գնով, բայց նաև յուրաքանչյուրիս պարտքն է վերադառնալ տուն, ուրախության արցունքներ նվիրել մեզ սպասողներին: ՈՒրեմն, Հայ զինվոր, հիշի՛ր, որ քեզ տանն սպասում են, սպասում անհամբեր սրտի թրթիռով: Դու պարտավոր ես վերադառնալ, որովհետև քեզ բացի հարազատներից մի ամբողջ ազգ է սպասում՝ ՀԱՅ ԱԶԳԸ: Խնդրում եմ պարտքդ կատարիր հայրենիքի նկատմամբ և վերադարձիր ՀԱՅ ԱԶԳԻ ԶԱՎԱԿ:Դու պարտավոր ես վերադառնալ, քանի որ բացի ծառայելուց, դու նաև ուրիշ պարտավորություններ ունես կատարելու: Դու պիտի բազմացնես ՀԱՅ ազգը, իսկ բազմացնելու համար՝ ընտանիք է պետք:Դու պետք է նաև շենացնես այն, բարգավաճես հայրենիքդ:Հիշի՛ր, դու առաջին հերթին հայրենիքիդ զավակն ես, նոր ծնողներիդ:Հոսախաբ չանես, խնդրում եմ ՀԱՅ զինվոր,հիշիր, որ հայրենիքը սկսվում է հայրենի հողով,օդ ու ջրով, ծնողներով, սիրած էակով ու հարազատներով: Խնդրում եմ արժանավայել կատարիր պարտքդ հայրենիքի նկատմամբ, բայց նաև վերադարձիր, քո վերադարձին երեք միլիոն մարդ է սպասում:

ՇՆՈՐՀԱՎՈՐ ԱՄԱՆՈՐ ԵՎ ՍՈՒՐԲ ԾՆՈՒՆԴ ՀԱՅ ԶԻՆՎՈՐ

Happy New Year

Նաիրա Կարապետյան