Բարև՛,Եղբա՛յր իմ,թանկագի՛ն Զինվոր

Բարև՛,Եղբա՛յր իմ,թանկագի՛ն Զինվոր,
Կյանքդ թող լինի ուրախ, բախտավոր,
Ամռան պես ուրախ ու զվարթ լինես,
Ծով երջանկությամբ կյանքը քո ապրես:

Ամռանը եկար բյուր ծաղիկներով,
Զարդարեցիր մեզ Դու վառ գույներով,
Ու մենք ապրում ենք Քեզնով երջանիկ,
Իմ բարի՛, ազնի՛վ, իմ քնքու՛շ Ծաղիկ:

Բարև՛,Եղբա՛յր իմ,իմ անգի՛ն Զինվոր,
Մեր կյանքն ես լցրել ծով հրաշքներով:
Ուզում եմ,որ միշտ երջանիկ լինես,
Այս հրաշք կյանքում տեղը քո գտնես:

Ամռանը եկար դու ջերմ արևով,
Պարուրեցիր մեզ անհագուրդ սիրով:
Թող չարը երբեք Քեզ չհանդիպի,
Քո կյանքի ճամփան միշտ հարթ թող լինի:

Տասնինն ամառ ափիդ մեջ առար,
Խրոխտ ու հպարտ սահմանին կանգնած
Դու մեր անդորրն ես վեհությամբ հսկում
Ու նենգ թշնամուն միշտ ետ ես մղում:

Ուզում եմ զգոն ու արթուն մնաս,
Ծառայությունից փառքով տուն դառնաս:
Մեր սահմաններին` ծով խաղաղություն,
Քաջ Զինվորներին՝ ուժ ու վեհություն:

ՔՈՒՅՐԻԿՆԵՐԻՑ